7 снежня 2024 года

З 13:00 да 14:00

5-га снежня ў народным календары адзначаецца Пракопаў дзень. Лічылася, што менавіта з Пракопа з’яўляўся добры санны шлях. Звычайна ў гэты час уся грамада выходзіла на дарогу ставіць тычкі – адмысловыя знакі, якія паказвалі шлях гандлярам і падарожнікам. Рабілі іх з палак, а ўверсе вешалі анучку або салому.

Таму запрашаем усіх жадаючых наведаць Беларускі дзяржаўны музей народнай архітэктуры і побыту, каб пазнаёміцца з традыцыйнымі гужавымі транспартнымі сродкамі беларусаў.

Вас чакае:                                                         

• Экскурсія па выставе «Традыцыйны гужавы транспарт беларусаў».

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12 руб.;
• студэнтаў вышэйшых устаноў адукацыі (студэнцкі білет) – 6 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.