28 верасня 2024 года

з 13:00 да 17:00

Некалькі год таму ў Дзяржынскімі раёне зарадзілася свята малдаўска-беларускага сяброўства, якое кожны год збірае прадстаўнікоў дзвюх культур. Усё пачалося  з сяброўства малдаваніна Васілія Семянюка і беларуса Лявонція Целеша. У вёсцы Баравікі на малдаўскім падворку Васілія Міхайлавіча прайшло першае мерапрыемства пад сімвалічнай назвай «Вянок сяброўства».  З цягам часу сяброўства перарасло ў вялікае свята з удзелам вядомых выканаўцаў і фальклорных калектываў дзвюх краін, якое арганізуе таварыства дружбы «Беларусь-Малдова» пры ўдзеле Пасольства Рэспублікі Малдова.

Запрашаем Вас на свята «Вянок сяброўства»,  якое ў гэтым годзе прымае Беларускі дзяржаўны музей народнай архітэктуры і побыту.

Вас чакае:

• святочнае шэсце;
• канцэртная праграма: творчыя калектывы малдаўскай дыяспары;
• выстава-продаж мастацкіх вырабаў з арганізацыяй малдаўскага падворка;
• прэзентацыя нацыянальнай малдаўскай кухні з майстар-класам па прыгатаванні страў нацыянальнай кухні;

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 14 руб.;
• студэнтаў вышэйшых устаноў адукацыі (студэнцкі білет) – 8 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.