Фотасправаздача «Культурна-масавае мерапрыемства «Народны оўпэн-эйр «Масленіца»

25 лютага 2017 года

Масленіца – старажытнае славянскае свята, якое сімвалізуе провады зімы. Толькі ў нашым музеі вы зможаце па-сапраўднаму акунуцца ў атмасферу самага смачнага народнага оўпэн-эйра, прыняць удзел адразу ў сямі днях масленічнага тыдня і традыцыйных месленічных гуляннях, якія з імі звязаны, паспрабаваць сябе ў розных гульнях і забавах.

У гэты дзень будзе прадстаўлена наступная праграма:

• выступленне вядомых музычных гуртоў, «NAVI», «Vuraj» і іншых (сачыце за абнаўленнямі!);
• унікальная выстава прыладаў, якія выкарыстоўваліся для вырабу сыра і масла;
• лялечны тэатр «Беларуская народная «Батлейка»;
• ценявая батлейка «Вяртэп»;
• масленічныя гульні і забавы для дзяцей і дарослых;
• майстар-класы па вырабу масленічнай лялькі-абярэга, па пляценні паясоў і інш.;
• конкурс «Масленічная лялька-2017»;
• фотазона;
• дэманстрацыя унікальных масленічных абрадаў «Пахаванне дзеда», «Наведванне бабкі-павітухі» і інш.
• выпрабаванне «Ушанаванне маладых» для маладых, якія заключылі шлюб у 2016 годзе.
• кульмінацыяй масленічных гулянняў стане спальванне пудзіла зімы – «Марэны».

Самых актыўных удзельнікаў свята чакаюць прызы ад ювелірнай сеткі Alte!

За дадатковую плату:

• традыцыйныя беларускія стравы ў карчме і кропках харчавання;
• лепшыя сувеніры ад народных майстроў;
• катанне на конях;
• катанне на верталёце.
• катанне на паветраным шары, каб, не спяшаючыся, атрымаць асалоду ад архітэктуры музея.

Кошт уваходных квіткоў:

• для дарослых – 12.00 руб.;
• для студэнтаў – 9.00 руб;
• для дзяцей школьнага ўзросту – 6.00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

У сувязі з правядзеннем святочнага мерапрыемства «Масленіца» на тэрыторыі Музея народнай архітэктуры і побыту 25.02.2017 будзе арганізавана работа прыгараднага аўтобуснага маршруту №203Э «АС Паўднёва-Заходняя — Музей народнай архітэктуры і побыту».

Адпраўленне ад АС Паўднёва-Заходняя

10:25, 10:55, 11:25, 11:55, 12:25, 12:55, 13:25, 14:00, 14:25, 14:55, 15:25

Адпраўленне ад Музея народнай архітэктуры і побыту

10:55, 11:25, 11:55, 00:30, 13:00, 13:30, 14:00, 14:35, 15:00 15:40, пасля 16:00 па меры напаўнення салона аўтобусаў.

Схему праезду глядзіце тут.