Мерапрыемства

«Работы да самай суботы»

30 красавіка 2022 года

з 15.00 да 16.00

Дрэваапрацоўчыя рамёствы з’яўляюцца  неад’емнай часткай традыцыйнай культуры Беларусі. У вопытных руках вясковага майстра кавалак бервяна ператвараўся ў твор мастацтва ці просты, але такі неабходны прадмет хатняга ўжытку. Даступнасць дрэва давала магчымасць зрабіць усё неабходнае сваімі рукамі.

Беларускі дзяржаўны музей народнай архітэктуры і побыту прапаноўвае з плёнам правесці выходны і запрашае на экскурсію “Гоніць гэблік стружку залатую”.

Вы даведаецеся, якімі дрэваапрацоўчымі рамёствамі займаліся нашыя продкі. А таксама зможаце паўдзельнічаць у майстар-класе па вырабу аднаго з асноўных сталярных інструментаў – драўлянага малатка-кіянкі.

Вас чакае:

• Экскурсія па выставе “Гоніць гэблік стружку залатую”;
• Майстар-клас па вырабу сталярнага інструмента – кіянкі;
• Конкурсы на спрытнасць з розыгрышам прызоў;

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.