+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Мерапрыемства «Легенды старых млыноў»
Галоўная Падзеі Мерапрыемства «Легенды старых млыноў»
Мерапрыемства  «Легенды старых млыноў»
668

Мерапрыемства 

«Легенды старых млыноў»

1 студзеня 2023 года 

з 14:00

Мерапрыемства «Легенды старых млыноў» створана для таго, каб нашыя госці змаглі яшчэ глыбей пазнаёміцца з музеям і пабачыць унікальныя мясціны, закрытыя для свабоднага наведвання. 1 студзеня мы правядзем бясплатную экскурсію (аплачваецца толькі ўваходны квіток) па млынах.

Вы трапіце ўнутр гэтых помнікаў, даведаецеся, якія тыпы ветракоў сустракаліся ў Беларусі і дзе яны былі распаўсюджаны, праслухаеце інфармацыю пра ролю млынара ў вясковым грамадстве і пачуеце шмат цікавага пра тэхналогію вытворчасці мукі.

Вы зможаце наведаць тры млыны: млын-казлоўку з в. Даматканавічы Клецкага раёну, млын-шатроўку з в. Зелянец Хоцімскага раёну, млын-пальтрак з в. Янушоўка Мядзельскага раёну і высветліць, чым яны адрозніваюцца адзін ад аднаго і як працуюць.

Пачатак экскурсіі ў 14.00 на ўваходзе ў сектар «Цэнтральная Беларусь» (мапа музея). Экскурсія будзе правадзіцца пры зборы групы да 10 чалавек! 

Чакаем Вас на захапляльнае падарожжа ў Краіну ветракоў!

У іншы час інтэр’еры млыноў зачынены для наведвання!

Калі ласка, апранайцеся ў адпаведнасці з умовамі надвор’я!

Кошт квіткоў:

  • для дарослых – 8,50 руб.;
  • для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
  • для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

  • Калі ласка, паклапаціцеся пра абутак і вопратку згодна з умовамі надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
Чытайце таксама
Абрадавае мерапрыемства «Тры Каралі»
974
Абрадавае мерапрыемства «Тры Каралі»

8 студзеня 2022 года запрашаем прыняць удзел у абрадавым мерапрыемстве «Тры Каралі» на...

Адкрыццё выставы «Ганчарны посуд Беларусі»
1207
Адкрыццё выставы «Ганчарны посуд Беларусі»

7 мая ў 12:00 адбудзецца адкрыццё выставачнага праекта «Ганчарны посуд Беларусі».

Фотасправаздача «Выстава «Вяселле Заходняга Палесся»
3776
Фотасправаздача «Выстава «Вяселле Заходняга Палесся»

Урачыстае адкрыццё — 10 лютага ў 13:00 у Музеі беларускага народнага мастацтва ў в. Раўбічы.