Фотасправаздача «Культурна-масавае мерапрыемства «Кахаем па-беларуску»

12 лютага 2017 года
з 13:00 да 14:30

Я хацеў бы спаткацца з Вамі на вуліцы
У ціхую сінюю ноч
I сказаць:
«Бачыце гэтыя буйныя зоркі,
Ясныя зоркі Геркулеса?
Да іх ляціць наша сонца,
I нясецца за сонцам зямля.
Хто мы такія?
Толькі падарожныя, — папутнікі сярод нябёс.
Нашто ж на зямлі
Сваркі i звадкі, боль i горыч,
Калі ўсе мы разам ляцім
Да зор?»

1915
Максім Багдановіч

Беларускі дзяржаўны музей народнай архітэктуры і побыту запрашае прыняць удзел у мерапрыемстве «Кахаем па-беларуску».

У гэты дзень Вас чакае:

• беларуская народная музыка, гульні і танцы;
• майстар-клас па вырабу лялек-мотанак «неразлучнікі»;
• майстар-клас па вырабу сэрцаў з саломы;
• паказ вясельнага абраду;
• інтэрактыўная праграма разам з калектывам «Жвавы Карчмар» і яшчэ шмат цікавага.

За дадатковую плату:

• традыцыйныя беларускія стравы ў карчме;
• лепшыя сувеніры ад народных майстроў;
• катанне на санях.

Экспазіцыя музея працуе з 10:00 да 17:00. Каса працуе з 10:00 да 16:30.

Схему праезду глядзіце тут.