Хатнія рэцэпты на святочны стол!

Напярэдадні Вялікдня нашы супрацоўнікі дзеляцца сваімі самымі лепшымі рэцэптамі на велікодны стол!

Бурачковы квас

Ад 400 г. да 1 кг буракоў (хто любіць па мацней), 3 л. кіпячонай вады, 50 г.жытні хлеб.

Абабраць буракі, парэзаць, закінуць у халоную кіпячоную ваду у слоік на 3 л, закрыць ручнічком (або марляй і паставіць у цёмнае месца), дадаць некалькі лустачак чорнага жытняга хлеба, пакінуць на 3-ы дні ў спакоі. Праз тры дні можна піць альбо ўжываць пры гатаванні (напрыклад у верашчаку).

Буракі можна заліць паўторна.

Верашчака

На 700 мл бурачковага квасу (калі няма – хлебнага, але лепш бурачковага), 400 г. мяса свініны ці гавядзіны (можна ўкладаць частку сала), 100 гр. сала, жытні хлеб (пару лустачак – на смак), тлушч, соль, перац.

Мяса (ці мяса і сала) падзяліць на парцыйныя кавалкі, пасмажыць на патэльні на тлушчы або сале да паўгатовасці (каб быў колер), укласці ўсё ў чыгунок (“уцятніцу”), давесці да кіпення, дадаць нацёрты хлеб (квас загусцее, колькасць хлеба дадаецца ад жадаемай гушчыні).

Бюджэтны варыянт (“не верашчака”) - узяць мяса птушкі, і далей усё па апісанні.

Куліч

1 л. малака, 3,5 шклянкі (630 гр.) цукру, 10 яек, 1 пачак сметанковага масла, 100 гр. смятаны, 100 гр. дражджэй, 2 кг мукі, 200 гр. радзынак, 1 пакецік ванільнага цукру, ½ лімона.

Прыгатаваць росшчыну: у цёплым малацэ развесці дрожджы, ½ цукру, дадаць палову мукі (1 кг.) прасейваючы, замясіць, пакінуць на 30 хвілін (прыкрыць ручніком).

У яек аддзяліць жаўток ад бялка (2 жаўткі асобна). Бялок – у холад.

Радзынкі перабраць, абдаць кіпенем, прамыць, высушыць ручніком.

Цукар з жаўткамі ўзбіць, дадаць сметанковае масла (лепей растапіць), смятану, змяшаць, увесці ў цеста, перамясіць, дадаць соль, ванільны цукар, астатні цукар, перамясіць, увесці астатнюю частку мукі прасейваючы, дадаць радзынкі. Пакінуць падрасці (прыкрыць ручніком). Калі падыёдзе – абмяць.

Цеста змясціць у змазаныя маслам формы, запаўняючы іх на 1/3 аб’ёма. Даць падрасці. Жаўткамі змазаць верх кулічоў.

Выпякаць да гатовасці (пры 180-200 градусах). Пакінуць кулічы астываць.

Бялкі ўзбіць з цукрам, дадаць ½ лімона. Пакрыць глазур’ю верх кулічоў, падсушыць у духоўцы (пры 80 - 100) градусах.

Пасха

250 гр. (1 пачак), 1 яйка, 40 гр. сметанковага масла, 80 гр. смятаны, 70 гр. цукру, ванілін ці ванільны цукар, радзынкі (цукаты...).

Твораг працерці праз сіта, выкласці ў каструлю, дадаць сметанковае масла, смятану, яйка, перамяшать. Паставіць каструлю на маленькі агонь і давесці да кіпення. Зняць з агня, крыху астудзіць.

Радзынкі перабраць, абдаць кіпенем, прамыць, высушыць ручніком.

У сумесь да пасхі пакласці цукар, ванілін, радзынкі.

У спецыяльную форму (калі няма, можна друшляг) засцелены двума слаямі марлі, на дновыкласці крыжык радзынкамі (ці інш, напр цукатамі), зверху пакласці сумесь, прыціснуць грузам і прыбраць у халоднае месца.

Пірог «Велікодны»

1 кг мукі пшанічнай, 250 г цукру, 200 г маргарыну, 4 яйкі, 50 г дрожжаў, 500 г малака, ½ чайнай лыжкі солі, 100 г разынак.

Дрожджы развесці ў малацэ, дадаць цукар, распалены маргарын, 3 яйкі, соль, прамытыя і высушаныя разынкі, муку і замясіць цеста. Паставіць цеста на 2-2,5 гадзіны для закісання. Пасля чаго падзяліць на порцыі і даць падняцца тэставым нарыхтоўках да павелічэння ў аб'ёме ў 2-2,5 разы, змазаць узбітым яйкам і выпякаць 20-25 хвілін пры тэмпературы 200- 220 ° C.

Гастранамічныя сакрэты для вас адкрывалі Байтасава Аміня Рахімжанаўна і Буркоўская Галіна Міхайлаўна. Смачна есці!