Фотасправаздача «Культурна-масавае мерапрыемства «Дзень музея ў Беларускім Скансэне»

18 мая 2017 года
з 15:30 да 18:00

Міжнародны дзень музеяў – свята, якое было ўстаноўлена Міжнародным саветам музеяў (ICOM) ў 1977 г. і святкуецца 18 мая ў больш чым 150-ці краінах свету.

Паводле слоў Жака Перо, экс-прэзідэнта ICOM, «музеі мусяць заняць месца ў сэрцы грамадства і быць адкрытымі для грамадскасці». Наш музей падзяляе гэты прынцып і прапануе ўсім наведвальнікам акунуцца ў атмасферу беларускай вёскі ХІХ ст. На нашых майстар-класах Вы зможаце навучыцца заняткам і рамёствам, якімі ў тыя часы валодаў кожны селянін, папрацаваць з інструмантамі тых часоў.

На мерапрыемстве плануецца адкрыццё новай малой архітэктурнай формы – «прыдарожны крыж». Асноўная частка мерапрыемства адбудзецца на эскпазіцыйным сектары «Падняпроўе».

У праграме мерапрыемства:

• Абрад ушанавання прыдарожнага крыжа;
• Майстар-класы па мужыцкіх рамёствах: лазапляценне, апрацоўка дрэва;
• Майстар-класы па жаночых рамёствах: выраб ніткі на верацяне і калаўроце, ткацтва паясоў;
• Майстар-клас па народных гульнях і танцах;
• Экскурсійнае абслугоўванне на наступных помніках архітэктуры:
  - Млын з в. Даматканавічы;
  - Царква з в. Логнавічы;
  - Царква з в. Барань;
• Паказ дакументальнага фільма «Кастусь Каліноўскі. Апошнія дні» ад рэжысёра Валерыя Мазынскага, выступленне барда Андрэя Мельнікава (17:00, гумно з в. Лучнікі);
• Традыцыйная жывая музыка.

Падчас мерапрыемства за дадатковую плату можна:

• набыць сувеніры ад народных майстроў;
• пакатацца на кані;
• наведаць «Беларускую карчму», якая знаходзіцца на тэрыторыі музея.

Запрашаем Вас прыняць удзел у культурна-масавым мерапрыемстве «Дзень музея ў Беларускім Скансэне»!

Кошт квіткоў:

ДА 15:00

• для дарослых – 5.50 руб.;
• для студэнтаў – 4.00 руб.;
• для дзяцей школьнага ўзросту – 3.00 руб.;
• для дзяцей дашкольнага ўзросту – бясплатна

ПАСЛЯ 15:00 УВАХОД ВОЛЬНЫ!

Экспазіцыя музея працуе з 11:00 да 19:00. Каса працуе з 11:00 да 18:30.

Схему праезду глядзіце тут.