21 сакавіка ў Беларускім дзяржаўным музеі народнай архітэктуры і побыту адбылося цудоўнае вясновае свята - Гуканне вясны.

Гасцей сустракалі гукі звонкіх вясновых песень, а на тэрыторыі музея кіпела жыццё: яркія народныя касцюмы і вясёлы смех. Наведвальнікі змаглі акунуцца ў атмасферу старажытных беларускіх абрадаў, а таксама прыняць удзел у майстар-класах, на якіх вучыліся ствараць прыгожыя абрадавыя сувеніры.

Усе жадаючыя маглі далучыцца да вясёлых карагодаў ля вогнішча і спяваць вясновыя народныя песні.

Гэтае свята аб'яднала людзей у радасці і надзеі на светлую будучыню. Усё было вельмі маляўніча, з душой і цеплынёй - сапраўднае свята для сэрца і душы!