21 лютага 2026 года

з 12.00 да 16.00

Масленка – даўняе свята заканчэння зімы і сустрэчы вясны. У розных мясцовасцях можна было пачуць і такія назвы свята як Загавіны, Запусты, Папелец, Аўлассе.Падрыхтоўка да свята пачыналася загадзя. Гаспадыні старанна прыбіралі хату і двор, рыхтавалі святочныя стравы. Напрацягу ўсяго святочнага тыдня ўжывалі шмат малочных прадуктаў і бліноў, хадзілі ў госці да сваякоў і весела бавілі час. Сярод актыўных забаў – катанне на конях, арэлях і ледзяных горках.Не абміналі ўвагай на свята маладых нежанатых хлопцаў і незамужніх дзяўчат. Да іх прыходзілі ў госці і вешалі на шыю кавалак бервяна – “калодку”. Такім чынам вясковая грамада клапацілася пра працягненне роду і нагадвала пра неабходнасць знаходжання сабе пары.Традыцыйныя абрады, вясёлыя гулянні, танцы, спевы– усё гэта чакае Вас на свяце ў Беларускім дзяржаўным музеі народнай архітэктуры і побыту! 

Вас чакае:

• Масленічныя гульні і забавы для дзяцей і дарослых;
• Музычная праграма;
• Фальклорныя гурты;
• Майстар-класы для дзяцей і дарослых;
• Ценявы тэатр «Вяртэп»;
• Лялечны тэатр «Батлейка»;
• Рэканструкцыя абрада «Пахаванне Дзеда» (Гарадоцкі р-н., Віцебская вобл.);
• Рэканструкцыя абрада «Наведванне маладухі»;
• Масленічны слуп з прызамі;
• Лакацыі рэканструктараў;
• Спальванне пудзіла зімы – «Марэны»;

І мноства прызоў ад Партнёраў мерапрыемства!

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Увага!!! Чакайце ў бліжэйшыя дні звесткі аб папярэднім продажы квіткоў.

Кошт квіткоў:

• для дарослых – 35,00 руб.;
• студэнтаў вышэйшых устаноў адукацыі (студэнцкі білет) – 20,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 15,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемства праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), 150, Чыкі; маршрутнае таксі №1111, №1026.