Фотасправаздача «Абрадавае мерапрыемства 

«Купалле»

7 ліпеня 2018 года

Старажытнае летняе свята, якое святкавалася ў гонар сонца, найвышэйшага росквіту прыроды і зеляніны, ушанавання вады і агню мае назву «Купалле». Менавіта ў купальскую ноч нібыта цвіце папараць-кветка, знайшоўшы якую можна авалодаць усімі ведамі зямлі, дзяўчаты варожаць на будучае замужжа, на суджаных. Ніхто не спіць у такую таямнічую ноч: ў гэты дзень збіраюць лекавыя зёлкі, дзяўчаты плятуць вянкі, спяваюць купальскія песні, вакол купальскага вогнішча водзяць карагоды, ладзяць гульні, праз яго скокаюць, каб быць моцным, здаровым і шчаслівым! Уся вясковая грамада збіралася ля купальскага вогнішча, прапусціць і не прыйсці на свята лічылася вялікай небяспекай, толькі чараўнікі і вядзьмаркі баяліся святочнага купальскага вогнішча!

У Беларускім дзяржаўным музеі народнай архітэктуры і побыту адбылося прыгожае і чароўнае летняе свята па беларускіх традыцыях!

 У праграме мерапрыемства было:

• Завіванне купальскіх вянкоў і расповед пра купальскія зёлкі;
• Купальскае шэсце;
• Урачыстае распальванне купальскага вогнішча: карагоды, гульні, пераскокі;
• Чароўныя казкі і паданні;
• Варажба на вянках і зеляніне;
• Традыцыйныя купальскія спевы, гульні і танцы пад беларускія народныя інструменты.