18 кастрычніка 2025 года

Пачатак у  15.00

Беларускае вяселле, у тым выглядзе, у якім яго паспелі зафіксаваць этнографы і фалькларысты ў ХІХ - пачатку ХХ стагоддзя, - гэта цэлы комплекс абрадаў і рытуалаў. Кожны кроктут строга акрэслены і парушэнне канонаў можа наклікаць бяду на маладых. Вяселле па сваёй значнасці стаяла на адным узроўні з нараджэннем і смерцю, таму пераацаніць яго значнасць у жыцці кожнага чалавека проста немагчыма.

Квінтэсенцыя ўсяго вяселля беларусаў - каравайны абрад. Вяселле пачыналася менавіта з рошчыны каравая, а скончвалася яго падзелам.

Беларускі скансэн прапануе ўсім жадаючым вярнуцца да вытокаў і даведацца крыху больш пра беларускае вяселле разам з намі .

Вас чакае:

• Расповед пра вясельные традыцыі беларусаў ;
• Святочны майстар-клас;
• Народныя гульні і танцы;

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Паварот да музея (150), Чыкі; маршрутнае таксі №1111, №1026.