1 мая 2025 года

З 15:00 да 16:00

1 мая ў Беларусі адзначаецца Свята працы – агульнарэспубліканскі святочны дзень, які быў устаноўлены Указам Прэзідэнта Рэспублікі Беларусь у 1998 годзе і мае векавую гісторыю. Пасля Кастрычніцкай рэвалюцыі 1917 года свята стала афіцыйным. У гэты дзень штогод праводзіліся дэманстрацыі працоўных.

У наш час Свята працы з'яўляецца сімвалам адзінства і салідарнасці работнікаў усіх галін эканомікі краіны. На дзяржаўным узроўні ў гэты дзень ушаноўваюць чалавека працы, ветэранаў прадпрыемстваў і работнікаў, якія дэманструюць высокія паказчыкі.

У сваю чаргу, неад’емнай часткай сялянскага жыцця заўсёды была праца на зямлі. А хлеб, як асноўны прадукт зямлі, з’яўляецца сімвалам дабрабыту, шчасця і багацця сям’і.

Запрашаем усіх жадаючых наведаць Беларускі дзяржаўны музей народнай архітэктуры і побыту, каб пазнаёміцца з сялянскімі традыцыйнымі заняткамі, якія звязаны з захаваннем і апрацоўкай зерня.

Вас чакае:

• Экскурсія па помніку драўлянага дойлідства: гумно з в. Лучнікі Слуцкага р-на;
• Экскурсія па помніку драўлянага дойлідства: грамадскі свіран з в. Касарычы Глускага р-на;
• Экскурсія па помніку драўлянага дойлідства: млын з в. Зелянец Хоцімскага р-на;

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,50 руб.;
• студэнтаў вышэйшых устаноў адукацыі (студэнцкі білет) – 6,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №1111,1026.