Акцыя «Калядныя дзянькі»

2-4 студзеня 2022 года

Каляды – свята, якое займае ў традыцыйнай культуры беларусаў важнае месца. Доўжыліся яны напрацягу двух тыдняў. У перыяд калядных свят запрашаем Вас наведаць Беларускі дзяржаўны музей народнай архітэктуры і побыту і адчуць атмасферу старажытных беларускіх каляд. Вашай увазе прапаноўваецца:

2 студзеня 14:00

Бясплатная экскурсія з расповедам аб калядных традыцыях, дзе Вы даведаецеся, што такое «Тры куцці», што павінна быць на калядным стале, як праходзіць абрад калядавання, зразумееце сімвалізм каляд і пабачыце лялечны тэатр «Батлейка», а таксама ценявы лялечны тэатр «Вяртэп».

3 студзеня  12:00 і 14.00

Вы зможаце прыняць удзел у бясплатнай акцыі «Калядныя забавы». У гэты час, моладзь ладзіла шматлікія забавы, ігрышчы, розныя гульні, варажбу, калядавала. Ва ўсіх жадаючых з’явіцца магчымасць далучыцца да экскурсіі з расповедам аб калядах, паўдзельнічаць у сапраўдных варожбах, а так сама прыняць удзел у майстар-класе па беларускім танцам і гульням.

4 студзеня 13:00

Магчымасць паўдзельнічаць у бясплатнай экскурсіі «Каляды», дзе можна пабачыць абрад «Куцця», калядныя варожбы, а таксама самім паўдзельнічаць у калядаванні.

***

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея (па папярэдняй замове).

Кошт квіткоў:

• для дарослых – 8,00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.