Адкрыццё выставы «Строчыцкі скарбец», на якой наведвальнікі змогуць пазнаёміцца з пакоем калекцыянера другой паловы ХІХ ст., адбудзецца 9 снежня 2016 года ў дзень 40-годдзя Беларускага дзяржаўнага музея народнай архітэктуры і побыту.
Тэма экспазіцыі была абрана невыпадкова, бо менавіта прыватнае калекцыянаванне паклала пачатак сучаснаму музею. У памяшканні з прыгожай мэбляй прадстаўлены рарытэты, знойдзеныя падчас раскопак на тэрыторыі музея, на рацэ Менка, у Прылуках. Сярод прадметаў, якія таксама вылучаюцца ў кабінеце калекцыянера, посуд, кнігі, мінералы і іншыя рэдкасці. Праз экспазіцыю выставы «чырвонай ніткай» праходзіць згадка пра Казіміра Држневіча – уладальніка маёнтка Строчыцы. Ён з’яўляўся выбітнай асобай і валодаў вялікімі калекцыямі.
На выставе прадстаўлены экспанаты з Беларускага дзяржаўнага музея народнай архітэктуры і побыту, Музея прыроды і экалогіі, Музея Інстытута гісторыі Нацыянальнай акадэміі навук Беларусі і Музея старажытнабеларускай культуры Інстытута мастацтвазнаўства, этнаграфіі і фальклору Нацыянальнай акадэміі навук Беларусі.
Схему праезда глядзіце тут.
«Пакровы» - межавая дата ў традыцыйным беларускім календары, якая звязана з заканчэннем...
13 мая ў Дзяржынскім раённым гісторыка-краязнаўчым музеі падвялі вынікі конкурсу...
Умееш іграць – дай іншым паслухаць! Усе на «Масленіцу»!