30 ліпеня ў Музеі народнага побыту Літвы была ўрачыста адкрыта выстава "Вяселле Заходняга Палесся".
Выстава размяшчаецца на 2-х паверхах музейнага свірна ў сектары “Мястэчка”.
Экспазіцыя аб’ядноўвае фотавыставу «Экспедыцыйныя фотазамалёўкі Заходняга Палесся», а таксама арыгінальныя прадметы з калекцый адзення, абутку, галаўных убораў, тканін, музычных прылад Беларускага дзяржаўнага музея народнай архітэктуры і побыту.
З вясковымі краявідамі, інтэр'ерамі пабудоў, выявамі жыхароў гэтага рэгіёна знаёміць фотавыстава на 1-м паверсе музейнага свірна. Здымкі былі зроблены ў 1980-х гг. у Пінскім, Драгічынскім, Столінскім, Кобрынскім раёнах Брэсцкай вобласці падчас шматлікіх музейных экспедыцый.
Другая частка выставы знаёміць з асноўнымі элементамі заходнепалескага вяселля: сватаннем, запоінамі, зборнай суботай, каравайным абрадам, дзяльбой каравая, ад’ездам на вянчанне, сустрэчай бацькамі ў доме маладога, дэманстрацыяй пасагу, абрадам “пакрывала зняць”. На другім паверсе помніка архітэктуры выстаўлены таксама святочныя строі Заходняга Палесся канца ХІХ – сярэдзіны ХХ ст.
На адкрыцці выставы госці музея не толькі ўбачылі, але і паўдзельнічалі ў абрадзе “пакрывала зняць” у выкананні супрацоўнікаў беларускага скансэна.
2-5 студзеня 2021 года запрашаем адчуць атмасферу старажытных беларускіх каляд!
3 ліпеня 2023 года з 13.00 да 14.00
Як мы адпрацавалі Рэспубліканскі суботнік.
5 верасня 2021 года запрашаем прыняць удзел у музейнай акцыі «Век жыві – век вучыся» на...