Акцыя «Цалкам сакрэтна / бясплатна» створана для таго, каб кожны наведвальнік змог даведацца больш аб музеі і беларускай гісторыі. У суботу, 2 лютага, можна будзе наведаць бясплатную экскурсію (аплачваецца толькі ўваходны квіток у музей) па ветракам музея.
Вы ўбачыце, якія тыпы ветракоў сустракаліся ў Беларусі, дзе яны былі распаўсюджаны, праслухаеце інфармацыю пра ролю млынара ў вясковым грамадстве і даведаецеся шмат цікавага пра забытую тэхналогію. У завяршэнні экскурсіі можна будзе ўбачыць фатаграфіі старых млыноў і паслухаць гісторыю развіцця млыноў ў гадзіны НЭПа.
Вы зможаце наведаць 3 унікальныя млыны: млын-казлоўку з в. Даматканавічы Клецкага раёна, млын-шатроўку з в. Зелянец Хоцімскага раёна і млын-пальтрак з в. Янушоўка Мядзельскага раёна і высветліць, чым яны адрозніваюцца адзін ад аднаго і як працуюць.
Пачатак экскурсіі ў 13.30 у цэнтры вёскі сектара «Цэнтральная Беларусь» (каля царквы з в. Логнавічы Клецкага р-на).
Чакаем вас на захапляльнае падарожжа ў Краіну ветракоў!
У іншы час інтэр'еры млыноў закрыты для наведвання!
Калі ласка, апранацеся ў адпаведнасці з умовамі надвор'я!
Фотасправаздача «Цалкам эксклюзiўна: «Жахлівыя гісторыі»
Новае жыццё вашых рэчаў.
28.01.2017 з 13:30 да 15:00 Чароўны час пабыць крыху дзецьмі, зляпіць снежную бабу, пагуляць у...
З 20 лютага па 1 сакавіка 2021 года.