Абрадавае мерапрыемства

«Траецкія гулянні»

16 чэрвеня 2019 года 

з 15:00 да 17:00

У розныя дні, акрамя паўсядзённай працы, людзі адзначалі розныя святы. З заканчэннем вясны і надыходам лета, спраўлялі Сёмуху (Троіца, Зялёныя святкі). Свята было звязана з шанаваннем зеляніны, заканчэннем вясны і пачаткам лета. У гэтыя дні паміналі продкаў, моладзь ладзіла гулянні ў гаях, палях, дзяўчаты плялі вянкі, спляталі бярозкі, варажылі на сваё замужжа, пасля разам з хлопцамі праводзілі танцы, гульні і забавы.

Беларускі дзяржаўны музей народнай архітэктуры і побыту запрашае ўсіх прыемна і цікава адзначыць гэта свята ў музеі! Акрамя беларускіх танцаў і гульняў вы зможаце пачуць расповед пра розныя выставыі, паўдзельнічаць у майстар-класы па вырабу лялек і ў Пастаўскім абрадзе, які ладзіўся моладзю падчас траецкіх свят!

Мерапрыемства будзе праходзіць у самым маляўнічым і далёкім сектары музея – “Паазер’е”, знакаміты дударскі рэгіён, дзе вы пабачыце, як выглядала вёска Віцебшчыны ў ХІХ стагоддзі, вяночныя двары і бессістэмная забудова, традыцыйны інтэр’ер хат і разнастайныя гаспадарчыя будынкі!

Вас чакае:

• Абрад з Пастаўскага раёна “Завіванне вянкоў”;
• Расповед па выставе “Гоніць гэблік стружку залатую”;
• Расповед па выставе “Транспартныя сродкі”;
• Расповед па выставе “Калыска”;
• Майстар-клас па вырабу лялек;
• Лекцыя “Хутар дзядзькі-дудара Стахвана” пра беларускую дуду: яе гісторыю, канструкцыю і традыцыйны рэпертуар;
• Беларускія танцы і гульні пад дуду.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея;

Запрашаем прыняць удзел у абрадавым мерапрыемстве «Траецкія гулянні» на тэрыторыі музея!

Кошт квіткоў:

• для дарослых – 6,50 руб.;
• студэнтаў вышэйшых устаноў адукацыі (студэнцкі білет) – 4 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.