Абрадавае мерапрыемства

«Ішла каляда калядуючы...» (Каляды)

26 снежня 2021 года

з 14:00 да 16:00

Каляды – народнае зімовае свята, напоўненае рознымі абрадамі, сэнс якіх выяўляўся ў жаданні хутчэй наблізіць надыход сонечнага цяпла і забяспечыць добры ўраджай у новым гаспадарчым годзе пры дапамозе адпаведных слоў і розных магічных дзеянняў.

У гэты час, на працягу двух тыдняў, моладзь ладзіла шматлікія забавы, ігрышчы, розныя гульні, варажбу, калядавала – спявала калядныя песні, у якіх віншавалі гаспадароў хаты, жадалі ім дабра і заможнасці, услаўлялі іх працавітасць і шчодрасць.

Калядоўшчыкі хадзілі з «казой», «мядзведзем», «цыганам» і іншымі персанажамі, у якія самі жа і пераапраналіся і рабілі сваеасаблівы зімовы карнавал з тэатральнымі відовішчамі, дзе шырока выяўлялася народная выдумка.

Запрашаем вас пакалядаваць да нас і разам з намі!

Вас чакае:

• паказ традыцыйнага лялечнага тэатра – Батлейкі;
• рэканструкцыя абарада калядавання;
• частаванне гарбатай з зёлак;
• беларускія народныя танцы і гульні;
• выступ народных калектываў «Явар» і «Скарбніца традыцый».

Падчас мерапрыемства за дадатковую плату можна:

• набыць сувеніры ад народных майстроў у касе музея;
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Каляды» на тэрыторыі музея!

Кошт квіткоў:

• для дарослых – 8,00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.