Выстава «9 мая: лёс чалавека – лёс краіны»

9 мая 2020 г.

Да 75-ай гадавіны Вялікай Перамогі музей ладзіць невялічкую выставу, прысвечаную вайсковаму доктару Буеву Цімафею Рыгоравічу. Цімафей Рыгоравіч быў прызваны ў войска ў 1931 г., а ўжо ў 1932 г. скончыў школу санітарных інструктараў. Прайшоў усю вайну, удзельнічаў у абароне Масквы, быў узнагароджаны 2-ма ардэнамі і медалямі. Пасля вайны працягваў службу ў войску ў якасці медыка.

На выставе будуць прадстаўлены фатаздымкі, дакуманты, узнагароды і асабістыя рэчы Цімафея Рыгоравіча. Выстава будзе знаходзіцца ў помніку архітэктуры "Школа з в. Калодчына" на экспазіцыйным сектары "Цэнтральная Беларусь". Такім чынам праз лёс асобнага ўдзельніка вайны можна ўбачыць лёс усяго народа нашай краіны ў гэты пераломны час.

За дадатковую плату ў музеі можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 7.00 руб.;
• для школьнікаў, студэнтаў вышэйшых устаноў адукацыі, навучэнцы прафесійна-тэхнічных, сярэдне спецыяльных устаноў адукацыі – 4.00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.