Абрадавае мерапрыемства «Жыцень»

12 жніўня 2017 года
з 14:00 да 16:00

Хлеб – святыня нашага народа, таму жніво лічылася вельмі адказным перыядам у жыцці беларускага селяніна. Пачатак і заканчэнне ўборкі зернавых урачыста адзначаліся не толькі сельскай грамадой, але і ў кожнай сям’і. Шматлікія абрады звязаныя з уборкай ураджаю паказваюць сялянскую павагу, нават святасць, з якой земляроб адносіўся да хлеба.

Запрашаем усіх жадаючых далучыцца да абрадавага мерапрыемства «Жыцень»! Вы пабачыце традыцыі, звязаныя з уборкай ураджаю, пачуеце традыцыйныя жніўныя і летнія песні, традыцыйныя найгрышы на музычных інструментах!

У праграме мерапрыемства:

• Майстар-клас па вырабу снапа «Гаспадара»;
• Майстар-клас па ўборке ўраджаю сярпом;
• Фотазона;
• Лакальны абрад «Выгнанне мух»;
• Частаванне традыцыйным караваем і гарбатай.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Запрашаем прыняць удзел у абрадавым мерапрыемстве «Жыцень» на тэрыторыі музея!

Экспазіцыя музея працуе з 11:00 да 19:00. Каса працуе з 11:00 да 18:30.