15 лютага 2026 года

15:00

Акцыя «Цалкам сакрэтна / бясплатна» створана для таго, каб кожны госць змог даведацца больш аб музеі і беларускай гісторыі. 15 лютага, можна будзе наведаць бясплатныя экскурсіі (аплачваецца толькі ўваходны квіток у музей) па хатах з вёсак Ісерна і Агароднікі Слуцкага р-на, на прыкладзе якіх можна будзе пазнаёміцца з сямейным побытам беларусаў.

Як быў арганізаваны паўсядзённы побыт мужчын і жанчын, якая праца лічылася жаночай або мужчынскай, як сваталіся ў старыя часы – адказы на ўсе гэтыя пытанні вы знойдзіце, калі наведаеце Беларускі дзяржаўны музей народнай архітэктуры і побыту.

Вас чакае:                                                                                                                                 

• Экскурсія па хаце з в. Ісерна Слуцкага р-на;
• Экскурсія па хаце з в. Агароднікі Слуцкага р-на.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16 руб.;
• студэнтаў вышэйшых устаноў адукацыі (студэнцкі білет) – 8 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.