У ноч з 12 на 13 верасня 2026 года з 17:00 да 00:30 запрашаем аматараў бегу і актыўнага адпачынку стаць удзельнікамі фізкультурна-спартыўнага праекта — «Начны забег з Беларусбанкам».
 
Маршрут начнога трэйла праходзіць па маляўнічай тэрыторыі музея пад адкрытым небам. Удзельнікаў чакаюць грунтовыя дарожкі, лясныя сцяжынкі, прырэчныя лугі, участкі з граззю і невялікія перапады вышыні.

Бегуны пракладуць свой шлях міма сапраўдных пабудоў драўлянага дойлідства:
 
 - Пакроўскай царквы XVIII стагоддзя з вёскі Логнавічы;
 - Драўлянай школы 1932 года;
 - Грамадскага свірна пачатку XIX стагоддзя;
 - Карчмы сярэдзіны XIX стагоддзя.
 
Прыміце ўдзел у сапраўднай бегавой прыгодзе ў атмасферы восеньскай ночы. Ініцыятарам і генеральным партнёрам спаборніцтваў выступае ААТ «ААБ Беларусбанк». Забег мае дабрачынны характар: стартавыя ўзносы ўдзельнікаў будуць перададзены Музею народнай архітэктуры і побыту для развіцця і падтрымкі экспазіцыі.
 
Азнаёміцца з правіламі, даведацца падрабязнасці і прайсці афіцыйную рэгістрацыю можна на сайце спаборніцтваў https://elkpath.by/
 
Чакаем вас на старце!