Бясплатная экскурсія

«Святыя дзяды зляталіся сюды»

6 лістапада 2022 года

з 14.00 да 15.00

«Дзяды» – штогадовае свята памінання продкаў сваёй сям’і. Людзі верылі, што ў гэты дзень памерлыя продкі завітваюць у госці да сваіх родных і блізкіх. Трэба было падрыхтавацца да сустрэчы – прыбраць у хаце і накрыць стол. Гаспадыні зранку распальвалі печ і гатавалі абавязковыя памінальныя стравы – бліны, куццю, галушкі, канун.

Запрашаем Вас наведаць Беларускі дзяржаўны музей народнай архітэктуры і побыту і даведацца пра традыцыйныя абрадавыя дзеянні, прымеркаваныя да свята «Дзяды».

Чакаем Вас у 14.00 каля карты-схемы на ўваходзе ў сектар «Цэнтральная Беларусь»!

Вас чакае:

• Расповед пра народныя традыцыі свята «Дзяды»;
• Расповед пра жыхароў хаты з в.Ісерна Слуцкага раёна, хаты з в.Садавічы Капыльскага раёна і хаты з в.Заброддзе Стаўбцоўскага раёна;
• Расповед пра гатаванне святочных страў.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.