Адкрыццё выставы «Ганчарны посуд Беларусі»

7 мая ў 12:00 адбудзецца адкрыццё выставачнага праекта «Ганчарны посуд Беларусі».

На часовай экспазіцыі будуць прадэманстраваны традыцыйныя гліняныя вырабы з усёй краіны, а таксама прылады працы ганчароў (усяго 99 экспанатаў). Кожны з шасці раздзелаў выставы пазнаёміць наведвальнікаў з ганчарствам пэўнага гістарычна-этнаграфічнага рэгіёна Беларусі. Вы даведаецеся пра розныя ганчарныя асяродкі, тыпы посуду, спосабы яго фармоўкі, апрацоўкі, дэкаравання.

Белагліняныя вырабы з Гарадной, чорнаглянцаваная кераміка з Пружан і Поразава, абварная з Ганявіч і Сіняўкі, паліваны посуд з Івянца і Ракава, шматлікія экспанаты з іншых цэнтраў ганчарства дазволяць у думках перанесціся на малую Радзіму ў хату продкаў!

Вас чакаюць:

Куратарская экскурсія па выставе.

Прэзентацыя каталога выставы.

Майстар-класы ад ганчароў*.

Пасля заканчэння мерапрыемства ў музеі пройдзе рэканструкцыя народнага свята «Юр’е».

Беларускі дзяржаўны музей народнай архітэктуры і побыту, Мінскі р-н, в. Азярцо.

Помнік архітэктуры «Спаса-Праабражэнская царква з в. Барань» (экспазіцыйны сектар «Падняпроўе»).

Дадведкі па тэлефонах: +375296978901; +375298547385.

*Арганізатары пакідаюць за сабой права на ўнясенне змен у праграму мерапрыемства.