Абрадавае мерапрыемства

«Тры Каралі»

8 студзеня  2022 года

з 14:00 да 15:30

Адно з галоўных святаў каталіцкага календару, якое адзначаецца 6 студзеня. У народзе гэта свята мае назву «Тры Каралі», так сама вядомае як «Тры мудрацы» ці «Цары з Усходу». Згодна з хрысціянскімі вераваннямі, існавала група вешчуноў (Каспар, Мельхіор, Бальтазар), якія наведалі Ісуса пасля ягонага нараджэння, каб прынесці яму дары. Яны з’яўляюцца традыцыйнымі персанажамі ў святкаванні Калядаў і важнай часткай хрысціянскай традыцыі.

Абрадавае мерапрыемства «Тры Каралі» – гэта рэканструкцыя свята на падставе этнаграфічных звестак, пераробленая на сучасны лад з інтарактыўнымі элементамі.

Вас чакае:

• рэканструкцыя каляднага абыхода «Тры Каралі» (Воранаўскі раён Гродзенскай вобласці);
• паказ лялечнага тэатра «Батлейка»;
• частаванне гарбатай з зёлак;
• беларускія народныя забавы і танцы;
• розныя майстар-класы.

Падчас мерапрыемства за дадатковую плату можна:

• набыць сувеніры ад народных майстроў на касе музея;
• палятаць на мотадэльтаплане;
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Тры Каралі» на тэрыторыі музея!

Кошт квіткоў:

• для дарослых – 10,00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.