30 сакавіка 2024 года

з 14.00 да 15.00

Мядзведзь – магутны звер, чый велічны і грозны выгляд пакарыў розумы і сэрцы старажытных беларусаў. Яму пакланяліся. Яго паважалі і баяліся. Вобраз мядзведзя можна сустрэць у легендах і казках, абрадах і песнях.

У невялікай глухой мясцовасці на тэрыторыі цяперашняга Докшыцкага раёна нават адзначалася свята, прысвечанае абуджэнню мядзведзя пасля зімовай спячкі.

Тутэйшыя жыхары імкнуліся зрабіць абуджэнне ўладара лесу больш лёгкім з дапамогай розных рытуалаў. А каб задобрыць волата – прыносілі яму смачныя дары ў выглядзе аўсянага кісяля, гарохавай кашы і іншых любімых страў касалапага.

Прапануем Вам далучыцца да гэтага старадаўняга свята «Камаедзіца» і правесці яго разам з нашым музеем.

Вас чакае:

• Знаёмства с традыцыяй святкавання Камаедзіцы;
• Экскурсія «Пчалярства на Беларусі»;
• Народныя танцы і гульні.

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,00 руб.;
• студэнтаў вышэйшых устаноў адукацыі (студэнцкі білет) – 6,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.