+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Абрадавае мерапрыемства «Каляды»
Галоўная Падзеі Абрадавае мерапрыемства «Каляды»
Абрадавае мерапрыемства «Каляды»
2030

Абрадавае мерапрыемства

«Каляды»

21 снежня  2019 года 

з 14:00 да 16:00

Каляды – адно з галоўных трыдыцыйных свят, якое святкуеца ў зімовы час. Святкаванне каляд мае сваю доўгую гісторыю і спалучае ў сабе як хрысціянскія, так і старажытныя традыцыі. Свята напоўнена рознымі абрадамі, сэнс якіх выяўляўся ў жаданні хутчэй наблізіць надыход сонечнага цяпла і забяспечыць добры ўраджай у новым гаспадарчым годзе пры дапамозе адпаведных слоў і розных магічных дзеянняў.

У гэты час людзі адпачывалі пасля цяжкай працы на працягу года, ладзіл забавы, ігрышчы, розныя гульні, варажбу, калядавалі, у святы віншавалі гаспадароў хаты, спявалі песні, хадзілі з музыкай і танцамі. Калядоўшчыкі хадзілі з «казой»,«мядзведзем», «цыганам» і іншымі персанажамі, у якія самі жа і пераапраналіся і рабілі своеасаблівы зімовы карнавал з тэатральнымі прэдстаўленнямі, дзе шырока выяўлялася народная выдумка.

Каляды – незвычайны святочны час, калі асаблівую значнасць набывалі зносіны ў сферы адпачынку, усе імкнуліся паказаць свае ўменні і таленты. У гэтым годзе ў «Беларускім дзяржаўным музее народнай архітэктуры і побыту» каляды будуць ладзіць ў дзень зімовага сонцастаяння, які ў старажытны час быў адным з чатырох асноўных дней сонцавароту.

Запрашаем Вас на традыцыйныя каляды ў «Беларускім Скансэне».

Вас чакае:

  • выступы фальклорных гуртоў;
  • паказ традыцыйнага лялечнага тэатра – Батлейкі;
  • рэканструкцыя святкавання «Першай, вялікай куцці»;
  • традыцыйны абыход двароў «Калядаваніе»;
  • зімовыя забавы і гульні;
  • частаванне гарбатай з зёлак;
  • беларускія народныя танцы і гульні;
  • фотазона.

Падчас мерапрыемства за дадатковую плату можна:

  • набыць сувеніры ад народных майстроў у касе музея;
  • наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Каляды» на тэрыторыі музея!

Кошт квіткоў:

  • для дарослых – 8 руб.;
  • для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4.0 руб.;
  • для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

  • Калі ласка, паклапаціцеся пра абутак і вопратку згодна з умовамі надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
 
Чытайце таксама
Выстава «9 мая: лёс чалавека – лёс краіны»
1480
Выстава «9 мая: лёс чалавека – лёс краіны»

09.05.2020 г. да 75-ай гадавіны Вялікай Перамогі музей ладзіць выставу, прысвечаную вайсковаму...

Культурна-масавае мерапрыемства  «Даравальная нядзеля»
2523
Культурна-масавае мерапрыемства «Даравальная нядзеля»

10.03.2019г. запрашаем прыняць удзел у культурна-масавым мерапрыемстве «Даравальная нядзеля» на...

Культурна-адукацыйнае мерапрыемства  «Ёсць у мяне твой сілуэт…»
1768
Культурна-адукацыйнае мерапрыемства «Ёсць у мяне твой сілуэт…»

26.01.2019г. запрашаем прыняць удзел у культурна-адукацыйным мерапрыемсте «Ёсць у мяне твой...