Абрадавае мерапрыемства

«Дажынкі»

22 жніўня 2020 года 

З 16:00 да 17:00

Дажынкі – старадаўняе народнае свята, звязаннае з заканчэннем жніва. У аснове дажынкавых абрадаў ляжаць рытуалы, якія праводзіліся каля апошніх жытнёвых каласоў, так званай «барады». Гэтыя каласкі ўпрыгожвалі кветкамі і стужкамі, пад іх клалі хлеб, соль. Абавязковымі атрыбутамі свята былі апошні сноп і дажынкавы вянок, якія дарылі гаспадару. Асноўны  сэнс абрадаў заключыўся ў тым, каб сродкамі сабранага ўраджаю забяспечыць будучы ўраджай, здароўе, дабрабыт і працяг роду, падзякаваць продкаў за дапамогу ў вырошчванні і зборы ўраджаю.

Вас чакае:

• рэканструкцыя абраду «Дажынкі»;
• традыцыйныя беларускія жніўныя песні;
• майстар-клас па ўборцы ўраджаю сярпом;
• беларускія танцы і гульні.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Дажынкі» на тэрыторыі музея!

Кошт квіткоў:

• для дарослых – 7,00 руб.;
• студэнтаў вышэйшых устаноў адукацыі (студэнцкі білет) – 4 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.