У стадыі рэстаўрацыі знаходзіцца помнік культавага дойлідства Паазер’я – царква XVIIІ стагоддзя з в.Вялец Глыбоцкага раёна. Царква належыць да так званых цэркваў “клецкага” тыпу. Зрубны неф з пяціграннай апсідай і прытворам ствараюць падоўжана-восевую кампазіцыю аб’ёма храма. Аб’ём завяршаецца высокай двухсхільнай страхой з маленькай глаўкай. Побач з царквой – двух’ярусная зрубная званіца з шатровай страхой.