Адразу за хатай размешчаны хлеў з вёскі Солан Старадарожскага раёна – помнік народнай архітэктуры канца ХІХ ст., пабудаваны Кадушкіным Аляксеем. Уяўляе сабой гаспадарчую пабудову для ўтрымання свойскай жывёлы. Першапачаткова пабудова мела функцыі адрыны з токам і стайні. У 1928 годзе, калі каня забралі ў калгас, у хляве злева былі зроблены загародкі для каровы і парасят, справа ставілі цялё і захоўвалі салому. У 1985 годзе хлеў быў перавезены на тэрыторыю музея і ўключаны ў склад сядзібы (хата з в. Ісерна, хлеў з в. Солан, гумно з в. Лучнікі).