Фотасправаздача«Ваенна-гістарычны фестываль па падзеям Першай сусветнай вайны
«Няскончаны ўрок: забытыя старонкі беларускай гісторыі»

24 красавіка 2021 года з 15.00 да 18.30 (рэпетыцыйны дзень)

25 красавіка 2021 года з 11.00 да 16.00

Першая сусветная вайна – адна з самых трагічных і ў той жа час малавядомых старонак нашай гісторыі. Гэты канфлікт перавярнуў жыццё мільёнаў людзей, згубіў 4 імперыі, у тым ліку і Расійскую, што стала штуршком да набыцця беларусамі сваёй дзяржаўнасці. Але варта памятаць, што гэта адна з самых крывавых войнаў у гісторыі чалавецтва. Падчас яе загінула больш за 1 мільён нашых суайчыннікаў, амаль 2 мільёны чалавек сталі бежанцамі, тысячы вёсак і мястэчак былі зруйнаваныя.

25 красавіка ў Беларускім дзяржаўным музеі народнай архітэктуры і побыту мы ўспомнім гэтыя цяжкія часы ў межах ваенна-гістарычнага фестываля па рэканструкцыі падзей Першай сусветнай вайны. Арганізатарам мерапрыемства апрача музея з’яўляецца культурна-гістарычны фонд памяці Першай сусветнай вайны «Крокі» пры падтрымцы гісторыка-культурнага комплексу «Лінія Сталіна».

Асноўнае дзеянне фестывалю – бой паміж нямецкімі і расійскімі войскамі падчас «Свянцянскага прарыву», калі ў 1915 годзе нямецкія часткі «прабілі» лінію фронту і дайшлі да самога Мінска. Рэканструкцыя будзе праходзіць у традыцыйнай беларускай вёсцы канца ХIХ – пачатку ХХ ст. у асяроддзі арыгінальных помнікаў драўлянага дойлідства. Вас чакаюць: салдаты ў поўным вайсковым рыштунку, кавалерыя, арыгінальная зброя, піратэхніка і шмат іншага.

Запрашаем усіх жадаючых прыняць удзел у фестывалі і пабываць на інтэрактыўным уроке гісторыі Першай сусветнай вайны!

У праграме фестывалю (cектар «Паазер'е», ад касы музея пешшу 20-30 хв.):

24 красавіка 2021 года з 15.00 да 18.30 – рэпетыцыйны дзень:

15.00 - 17.00 – фарміраванне  і агляд лакацый;

18.00 - 18.30 – репетыцыя боя .

25 красавіка 2021 года з 11.00 да 16.00:

11.00 - 13.00 – экскурсійнае абслугоўванне ў помніках архітэктуры;

13.00 - 13.15 – ўрачыстае адкрыццё фестывалю;

13.20 - 14.20 – абыход лакацый фестывалю з вядучым (у тым ліку лагер рэканструктараў);

14.20 - 14.50 – паўторны абыход лакацый фестывалю;

15.00 - 15.40 – рэканструкцыя бою;

15.40 - 16.00 – ўзнагароджанне ўдзельнікаў фестывалю. 

• Рэканструктары Першай сусветнай вайны – людзі, якія аднаўляюць розныя часткі Рускай імператарскай і Германскай армій у поўным рыштунку ў адпаведнасці з гістарычнымі крыніцамі і антуражнымі прадметамі побыту;
• Анімацыйны лагер для гасцей музея:

- палявы лагер рускага войска, у якім паказваецца побыт і страявая падрыхтоўка рускіх вайскоўцаў;

- шпіталь Чырвонага крыжа – інтэрактыўная выстава, прысвечаная працы сясцёр міласэрнасці ў гады Першай сусветнай вайны;

- штыкавы бой – інтэрактыўная кропка, на якой гасцей навучаць правільна карыстацца са штыком з дапамогай макета вінтоўкі Мосіна;

- грэнадзёрскі ўзвод – грэнадзёрскія курсы, на якіх гледачы навучацца правільна кідаць макеты гранатаў;

- стралковы цір – інтэрактыўны цір з мадэлямі зброі Першай сусветнай вайны;

- кавалерыйскія курсы, дзе наведвальнікаў навучаць правільна карыстацца шашкай.

• Рэканструкцыя бою Першай сусветнай вайны 1915 года, т.зв. «Свенцянскі прарыў»: бой паміж нямецкімі і рускімі войскамі;
• Тэматычная фотазона з легендарным кулямётам «Максім», антуражным адзеннем;
• Выстава старых фотаздымкаў Першай сусветнай вайны;
• Экскурсійнае абслугоўванне ў помніках архітэктуры.

Кошт квіткоў:

24 красавіка 2021 года (рэпетыцыйны дзень):

• для дарослых – 10 руб.;
• для студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для школьнікаў – 4 руб.;
• для дзяцей дашкольнага ўзросту – бясплатна.

25 красавіка 2021 года:

• для дарослых – 15 руб.;
• для студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для школьнікаў – 6 руб.;
• для дзяцей дашкольнага ўзросту – бясплатна.

Увага! Папярэдні продаж квіткоў арганізаваны на 25 красавіка 2021 года:

- тэрыторыя музея (за в. Азярцо) з 21.04.2021 па 23.04.2021 г. уключна з 11:00 да 18:30 (ср-нд) – наяўны  разлік;

- вул. Смаленская, д. 15, офіс 907 (ст.м «Пралетарская») з 19.04.2021 па 23.04.2021 г. уключна

з 09:00 да 13:00 (пн-пт) – наяўны  разлік і безнаяўны разлік.

Кошт квіткоў на папярэдні продаж квіткоў:

- для дарослых – 13 руб.;

- для студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі - 4 руб.;

-      для школьнікаў  – 4 руб.;

-      для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

У сувязі з эпідэміялагічнай сітуацыяй у краіне неабходна выконваць меры засцярогі. Наяўнасць маскі абавязкова!