25 кастрычніка 2025 года

15:00

Сватанне — адзін з самых прыгожых і цікавых вясельных абрадаў беларусаў. Менавіта з яго пачыналася дарога да стварэння новай сям’і. Адбывалася яно ў вольны ад палявых прац час. Сваты разам з жаніхом прыходзілі да нявесты, каб папрасіць яе рукі, але рабілі гэта не напрамую — праз жарты і прымаўкі. У гэтым абрадзе зліліся мудрасць, гумар і цеплыня народных традыцый. Ён адлюстроўвае не толькі сямейныя каштоўнасці, але і сам дух беларускай гасціннасці і весялосці.

Запрашаем усіх жадаючых наведаць у гэты дзень Беларускі дзяржаўны музей народнай архітэктуры і побыту, каб на ўласныя вочы пабачыць перадвясельныя традыцыі беларусаў, а таксама паўдзельнічаць у народных танцах і гульнях.

Вас чакае:

• Відэапаказ абрада «Сватанне» з в.Рэкта Жлобінскага раёна;
• Абрад «Сватанне»;
• Народныя танцы і гульні;
• Майстар-клас па пляценню паяскоў.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13 руб.;
• студэнтаў вышэйшых устаноў адукацыі (студэнцкі білет) – 7 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.