17 верасня 2023 года

з 13.00 да 14.00

Звілістыя шляхі і зменлівыя лёсы напаткалі жыхароў нашай краіны ў міжваенны перыяд. Сялянам і гараджанам, рамеснікам і гандлярам, настаўнікам і пісьменнікам заходніх рэгіёнаў Беларусі было наканавана амаль дваццаць гадоў знаходзіцца ў складзе суседняй дзяржавы – Польскай Рэспублікі. 17 верасня 1939 года адбыліся падзеі, якія трывала адбіліся ў памяці людзей – уз’яднанне Заходняй і Савецкай Беларусі.

Беларускі дзяржаўны музей народнай архітэктуры і побыту запрашае паглыбіцца ў цікавыя гістарычныя сюжэты на прыкладзе помніка драўлянай архітэктуры з в. Заброддзе Стаўбцоўскага раёна!

Чым адрозніваецца жыццё вёсак ля мяжы дзвух дзяржаў? Якія былі асаблівасці побыту? Як адміністрацыйны падзел змяніў жыццё людзей?

Чакаем Вас у 13.00 ля карта-схемы на ўваходзе ў сектар “Цэнтральная Беларусь”!

Вас чакае:

• Экскурсія па двару з в. Заброддзе Стаўбцоўскага раёна;
• Расповед пра гісторыю сям’і Бэцяў з в. Заброддзе Стаўбцоўскага раёна;
• Майстар-клас па пляценню паяскоў-абярэгаў.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,50 руб.;
• студэнтаў вышэйшых устаноў адукацыі (студэнцкі білет) – 5,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.