У фондах музея налічваецца каля 19 тыс. музейных прадметаў і больш за 9 тыс. навукова-дапаможных матэрыялаў. Сфармавана 32 музейныя калекцыі.

Найбольш важная калекцыя – «Архітэктура», якая ўключае ўнікальныя помнікі народнага драўлянага дойлідства  XVIII – першай трэці XX стст. Усе яны аднесены да гісторыка-культурных каштоўнасцей 2-ой катэгорыі (асобна альбо ў комплексе пабудоў).

Аснову музейнага збору складаюць прадметы этнаграфіі. У музеі захоўваюцца адны з найбольш багатых і прадстаўнічых калекцый вырабаў народных промыслаў і рамёстваў 9ткацтва, дрэваапрацоўка, кавальства, ганчарства, пляценне і інш.), якія збіраліся на працягу паўстагоддзя ва ўсіх гістарычна-этнаграфічных рэгіёнах краіны. Гэта дазваляе паказаць традыцыйную культуру беларусаў ва ўсёй яе рэгіянальнай разнастайнасці, што робіць музейны збор унікальным.