Беларускі Дзяржаўны Музей Народнай Архітэктуры і Побыту

12 мая 2012 года ў Беларускім дзяржаўным музеі народнай архітэктуры і побыту ў межах міжнароднага Дня сям’і адбылося святочнае мерапрыемства “Зазірні ў сямейны альбом”.  Кожная сем’я, якая наведала ў гэты дзень музей, змагла прыняць удзел у народных гульнях і забавах беларусаў, паўдзельнічаць у тэатральнай імпрэзе «Вясёлая карусель", майстар-класах : «У рытме танца», «Пляценне пояса», “Эмблема сям’і", а таксама зрабіць незабыўнае фота ў стылі рэтра на выставе  “Святлапісны кабінет”. Перад наведвальнікамі музея выступілі таленавітыя артысты Беларускага дзяржаўнага музычнага тэатра, якія споўнілі фрагменты з папулярных музычных пастановак.

Міжнародны дзень сям’і заснаваны Генеральнай асамблеяй ААН у 1993 годзе (International Day of Families). Паўсюдна яго святкаванне прызначана на 15 мая.

Хіба не выдатна адзначыць яго ў яднанні з прыродай? Сабрацца ўсёй сям'ёй і адзначыць  12 мая 2012 года Міжнародны дзень сям’і запрашае Беларускі дзяржаўны музей народнай архітэктуры і побыту. Упершыню мерапрыемства “Зазірні ў сямейны альбом” адбудзецца а 12 гадзіне і працягнецца да 16.00, падчас якога кожная сямья будзе складаць сваю старонку ў сямейны альбом. Заданні, якія падрыхтаваны супрацоўнікамі музея, нікому не дадуць засумаваць. А пры дапамозе разнастайных рэчаў (пальчатак, парасонаў, шляпак…)  на выставе “Святлапісны кабінет”  сям’я зробіць незабыўнае фота ў стылі рэтра. Праведзены ў музеі выходны назаўжды ўвойдзе ў сямейны летапіс. Зносіны бацькоў і дзяцей дазволяць ўсвядоміць унікальнасць і непаўторнасць Вашай сям'і. Для стварэння цудоўных фатаграфій у сямейны альбом музей забяспечыць маляўнічыя краявіды.

Пры садзейнічанні Пасольства Злучаных Штатаў Амерыкі ў Рэспубліцы Беларусь

8 чэрвеня 2012 года ў рамках праекта

«Шэдэўры сусветнай класікі ў музеі пад адкрытым небам»

адбудзецца

"Начное брадвейскае шоу ў  музеі пад адкрытым небам"

(Пачатак у 22.00)

Вось ужо ў другі раз Беларускі дзяржаўны музей народнай архітэктуры і побыту гасцінна будзе прымаць на сваёй тэрыторыі пачынаючых вакалістаў і прызнаных выканаўцаў класічнага музычнага мастацтва. Канцэрт «Начное брадвейскае шоу ў музеі пад адкрытым небам», які адбудзецца 8 чэрвеня 2012 года - гэта сумесны праект Беларускага дзяржаўнага акадэмічнага музычнага тэатра і Беларускага дзяржаўнага музея народнай архітэктуры і побыту.

Усе, хто прыйдзе ў музей на начны канцэрт атрымаюць унікальную магчымасць апынуцца ў зусім іншым культурным асяроддзі і адчуць яго своеасаблівасць.

Брадвей - сімвал і аснова амерыканскай тэатральнай культуры. Назва гэтай вуліцы ўжо даўно стала намінальнай, у ёй заключаны праўдзівы амерыканскі дух. Знакаміты тэатральны квартал Брадвея падарыў свету лепшыя музычныя пастаноўкі, а створаныя спектаклі атрымалі сусветную папулярнасць і сталі ўзорам для пераймання. Менавіта нумары з лепшых брадвейскіх мюзіклаў увойдуць у двухгадзінны канцэрт, які адбудзецца 8 чэрвеня 2012 года ў рамках праекта "Шэдэўры сусветнай класікі ў музеі пад адкрытым небам".

11 красавіка ў Нацыянальным выставачным цэнтру ў Мінску адкрылася Міжнародная выстава “Адпачынак-2012” – сапраўдная ярмарка турысцкіх паслуг. У выставе прынялі ўдзел больш за 200 камапаній  з 13 краін cвету, у тым ліку: Расія, Украіна, Турцыя, Балгарыя, Куба.

На адкрыцці выставы прысутнічалі Міністр культуры РБ Павел Латушко і Міністр спорту і турызму РБ  Алег Качан. Прамоўцы падкрэслілі, што 2012-й  год  абвешчаны  Годам культурнага турызму ў Беларусі.

Пад час работы выставы «Адпачынак-2012» супрацоўнікі Беларускага дзяржаўнага  музея народнай архітэктуры і побыту правялі прэзентацыю музейных паслуг, распавялі пра дзеючую экспазіцыю, запрасілі наведаць новую экспазіцыю “Святлапісны кабінет” і прадставілі на разгляд наведвальнікаў маляўнічую рэкламную прадукцыю.