Вяночны двор з в. Бракава Слабада Чавускага раёна складаецца з хаты-пяцісценкі з невялічкімі сенцамі, клеці, паветкі, сянніцы, хлявоў і лазні. У інтэр’еры помніка ў летні перыяд прадстаўлены прыклады падняпроўскага народнага строю, размяшчаецца ткацкі стан. У гаспадарчых пабудовах двара экспануюцца воўначасалкі, што выкарыстоўваліся ў шапавальстве – традыцыйным рамястве вырабу з воўны прадметаў адзення, абутку, лямцу.