Фотасправаздача «Абрадавае мерапрыемства
«Траецкае гулянне, дзявочае гаданне»

3 чэрвеня 2017 года
з 15:00 да 16:30

Абрадавае мерапрыемства «Траецкае гулянне, дзявочае гаданне» звязана са старажытным славянскім земляробчым святам «Зялёныя святкі» (Сёмуха), якое з’яўляецца пераходным паміж веснавым і летнім земляробчымі цыкламі і адзначаецца на восьмым тыдні пасля Вялікадня. Яго вытокі ідуць з часоў радавога грамадства, у аснове якога пакладзены культ продкаў, ушанаванне зеляніны, заклінанне будучага ўраджаю.

Напярэдадні свята прыбіралі і ўпрыгожвалі двор і хату «маем»: аерам, галінкамі бярозы, клёну. У час свята ў некаторых мясцовасцях адбывалася кумаванне, на якім дзяўчаты «завівалі» бярозкі, вілі вянкі, вадзілі карагоды, спявалі траецкія песні. На вянках гадалі на свой лёс і будучае замужжа. Сёння свята «Сёмуха» мае хрысціянскія рысы, але яно захавала і многія рысы язычніцтва і земляробчага культу.

У праграме мерапрыемства:

• Майстар-клас па пляценню вянкоў;
• Майстар-клас па пляценню паяскоў «на пальцах»;
• Траецкія дзявочыя абрады;
• Абрад ушанавання траецкага дрэва – бярозы;
• Палескі абрад «Ваджэнне Куста»;
• Традыцыйныя траецкія спевы, выступ гуртоў «Мілавіца» (ДУА «Цэнтр дадатковай адукацыі дзяцей і моладзі «Ветразь» Кастрычніцкага раёна г. Мінска), «Страла» (БДУКіМ, кафедра этналогіі і фальклору) і інш.;
• Традыцыйныя гульні і танцы пад народныя інструменты.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Запрашаем Вас прыняць удзел у абрадавым мерапрыемстве «Траецкае гулянне, дзявочае гаданне» на тэрыторыі музея!

Кошт квіткоў:

• для дарослых – 8.00 руб.;
• для дзяцей школьнага ўзросту – 4.00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Схему праезду глядзіце тут.